Аўтара змяненняў у графіці пра сяброўства Масквы і Мінска не знайшлі. Але будуць судзіць двух датычных
Завершана праверка з нагоды перамаляванага графіці пра сяброўства Масквы і Мінска ў беларускай сталіцы. Падстаў для завядзення крымінальнай справы не знайшлі, як і самога мастака. Аднак склалі пратаколы аб адміністрацыйных правапарушэннях на двух імаверных удзельнікаў акцыі.
«Падчас даследчай праверкі прыкмет крымінальна дзеяння не ўстаноўлена. Выяўлены прыкметы адміністрацыйнага правапарушэння. Матэрыялы перададзеныя ў міліцыю для дачы прававой ацэнкі і прыцягнення асобы да адміністрацыйнай адказнасці», — паведаміў афіцыйны прадстаўнік упраўлення Следчага камітэта па Мінску Аляксей Клімовіч.
У сталічнай міліцыі распавялі, што пратаколы аб адміністрацыйным правапарушэнні складзены ў дачыненні да двух чалавек па артыкуле 10.9 КаАП (Наўмыснае знішчэнне або пашкоджанне маёмасці). Ім пагражае штраф у памеры да 50 базавых (1150 рублёў). Гэтых грамадзян міліцыя палічыла датычнымі, а вось сам мастак фігуруе як неўстаноўленая асоба.
У бліжэйшы час пратаколы разгледзіць суд, распавёў афіцыйны прадстаўнік ГУУС Мінгарвыканкама Аляксандр Ластоўскі.
- Матэрыялы праверкі сабраны і будуць у хуткім часе накіраваныя ў суд Кастрычніцкага раёна Мінска.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары