Вярхоўны суд ЗША прыняў рашэнне аб адмене большасці тарыфаў, уведзеных Дональдам Трампам
Вярхоўны суд ЗША пастанавіў, што Трамп перавысіў свае паўнамоцтвы, ужываючы Закон аб міжнародных надзвычайных эканамічных паўнамоцтвах (IEEPA) 1977 года для ўвядзення сваіх мытаў. Гэта тычыцца значнай часткі тарыфаў, але не ўсіх.
Канстытуцыя ЗША дае Кангрэсу выключнае права вызначаць імпартныя тарыфы, але Трамп сцвярджаў, што можа ўводзіць мыты без згоды заканадаўчай улады, апіраючыся на IEEPA. Закон дазваляе прэзідэнту пасля абвяшчэння надзвычайнага становішча рэгуляваць эканамічныя аперацыі, уключаючы імпарт замежнай прадукцыі.
«Калі б Кангрэс меў намер даць прэзідэнту асаблівыя і экстраардынарныя паўнамоцтвы па ўвядзенні тарыфаў, ён зрабіў бы гэта прама», — гаворыцца ў рашэнні Вярхоўнага суда.
Пад дзеянне рашэння суда трапілі «ўзаемныя» мыты для большасці краін свету, тарыфы на тавары з Кітая, Канады і Мексікі, абгрунтаваныя барацьбой з кантрабандай фентанілу, а таксама «другасныя» мыты супраць Індыі ў адказ на закупкі расійскай нафты.
Тым не менш, рашэнне суда не закранае мыты на імпарт сталі і алюмінія, бо яны ўводзіліся на падставе іншых заканадаўчых актаў.
«Яна была вельмі агрэсіўнай». Трамп распавёў, як пакараў Швейцарыю мытамі ў 39%
Трамп падпісаў указ аб павышэнні тарыфаў для краін, якія гандлююць з Іранам
Трамп пагражае тарыфамі краінам, якія пастаўляюць нафту на Кубу
Трамп прыгразіў Канадзе 100% мытамі і назваў Карні «губернатарам»
Трамп паабяцаў увесці 200‑працэнтны тарыф на французскія віны
Каментары