Следчы камітэт працягвае расследаваць крымінальную справу ў дачыненні да 28-гадовага Андрэя, які, па версіі следства, напаў на сяржанта міліцыі. Хлопцу пагражае да пяці гадоў пазбаўлення волі.
«Мужа некалькі тыдняў таму адправілі ў Навінкі. Нам сказалі, што прызначэнне псіхіятрычнай экспертызы — гэта стандартная працэдура», — расказвае TUT.BY жонка абвінавачанага.
Нагадаем, святкаванне Новага года для жыхара Мінска Андрэя скончылася затрыманнем і крымінальным справай. Кампанія маладых людзей адзначала свята ў яго кватэры на праспекце Любімава, бліжэй да раніцы на шум паскардзіліся суседзі і выклікалі міліцыю. На выклік прыйшоў 23-гадовы сяржант міліцыі. Вартавы парадку і Андрэй прабылі сам-насам ўсяго дзве хвіліны, і пачуліся стрэлы.
Праз некалькі хвілін абодвух даставілі ў ваенны шпіталь. Міліцыянту паставілі дыягназ «закрытая чэрапна-мазгавая траўма, страсенне галаўнога мозгу», у Андрэя было два агнястрэльныя раненні. Спачатку ў яго палаты выставілі канвой, а затым узялі пад варту проста ў рэанімацыі. Пасля 20 студзеня абвінавачанага з бальніцы перавезлі ў СІЗА.
Што ж тычыцца міліцыянта, то пасля здарэння ён сышоў у адпачынак. А цяпер зноў працуе памочнікам дзяжурнага.
«Сёння з ім звязацца не атрымаецца, у яго выхадны», — адказалі ў Маскоўскім РУУС.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары