З Чачні прагучалі пагрозы на адрас расійскай апазіцыйнай «Новой газеты». Яе супрацоўнікі баяцца за жыццё

1 красавіка расійская «Новая газета» паведаміла аб масавых затрыманнях і катаваннях жыхароў Чачні, якія падазраюцца ў нетрадыцыйнай сексуальнай арыентацыі. Сталі вядомыя імёны трох загінулых, і таксама зразумела, што забітых людзей значна больш. Пазасудовыя расправы, так званыя «забойствы гонару», чыняць і сваякі ахвяр…

Рэакцыя, якая рушыла на публікацыі аб пераследзе чачэнскіх гомасэксуалаў, выклікае ў рэдакцыі сур'ёзныя апасенні за бяспеку ўжо не толькі пэўных журналістаў, але і ўсіх без выключэння супрацоўнікаў «Новай газеты». 

3 красавіка, праз тры дні пасля першай публікацыі, у цэнтральнай мячэці Грознага адбыўся экстраны сход прадстаўнікоў 24 чачэнскіх вірдаў, ісламскіх багасловаў і лідараў грамадскай думкі Чачні. Па афіцыйных дадзеных, у сходзе ўзялі ўдзел 15 тысяч чалавек. На гэтым сходзе Адам Шахідаў, саветнік кіраўніка Чачні Рамзана Кадырава, публічна абвінаваціў калектыў «Новай газеты» ў паклёпе і выразна пазначыў «ворагаў нашай веры і нашай радзімы». Выступ Шахідава, а таксама іншых чачэнскіх багасловаў трансляваўся мясцовым тэлебачаннем і шырока разышоўся ў інтэрнэце, справакаваўшы хвалю нецярпімасці выказванняў у сацыяльных сетках.

Павялічыць

Павялічыць

Па выніках гэтага сходу была прынятая рэзалюцыя. Другі пункт гэтай рэзалюцыі адкрыта і наўпрост заклікае да гвалту:

«З прычыны таго, што нанесена абраза векавым устоям чачэнскага грамадства і годнасці мужчын-чачэнцаў, а таксама нашай веры, мы абяцаем, што адплата напаткае праўдзівых падбухторшчыкаў, дзе б і кім бы яны ні былі, без тэрміну даўніны».

На думку супрацоўнікаў «Новай газеты», відавочна, што гэтая рэзалюцыя падштурхоўвае рэлігійных фанатыкаў да распраў над журналістамі.

У сувязі з інфармацыяй, якая прыйшла з Чачні, рэдакцыя «Новай газеты» зрабіла заяву:

«Маўчанне і бяздзейнасць у такой сітуацыі робяць усіх, хто здольны хоць нешта распачаць, саўдзельнікамі. Менавіта таму «Новая газета» працягвае працаваць у Чачні. Але мы вельмі добра разумеем, якую высокую цану можам заплаціць. Нерасследаваныя забойствы нашых калегаў — Ганны Паліткоўскай і Наталлі Эстэміравай — відавочны доказ.

Мы настойваем: рэакцыя на журналісцкую працу, агучаная на сустрэчы ў цэнтральнай мячэці, непрымальная ў цывілізаваным грамадстве і павінна быць ацэненая з пункту гледжання расійскага права.

Мы заклікаем расейскія ўлады зрабіць усё магчымае, каб спыніць дзеянні, накіраваныя на распальванне нянавісці і варожасці да журналістаў, якія выконваюць свае прафесійныя абавязкі».

8 красавіка галоўны рэдактар «Новай газеты» Дзмітрый Муратаў афіцыйна звярнуўся да Генеральнага пракурора РФ Юрыя Чайкі з патрабаваннем абавязваць Следчы камітэт Расіі да няўхільнага выканання расійскіх законаў, а менавіта — да правядзення праверкі ў парадку 144—145 артыкулаў КПК РФ па фактах, які сведчыць пра здзяйсненне цяжкіх злачынстваў.

Таксама галоўны рэдактар «Новай газеты» Дзмітрый Муратаў напісаў ліст галоўнаму муфтыю Чачні, у якім пераконвае: «Мы не абражалі і не мелі найменшага намеру абразіць чачэнскі народ. Мы яго глыбока і шчыра паважаем. Мы былі побач у трагічныя гады вайны: дапамагалі вывозіць пацярпелых, дастаўлялі гуманітарную дапамогу, вызвалялі закладнікаў. Сотні чачэнскіх сем'яў з удзячнасцю памятаюць гуманітарную дзейнасць нашага аглядальніка Ганны Сцяпанаўны Паліткоўскай.

У нашых тэкстах немагчыма адшукаць ніякіх прыкмет абразы чачэнскага народа і яго веры па адной прычыне — гэтых прыкмет там няма.

Мы абаранялі ў сувязі са зваротам у рэдакцыю правы канкрэтных людзей, якія падвергліся пераследам. Гэтыя людзі не рабілі ніякіх злачынстваў. Да іх можна ставіцца па-рознаму — але толькі ў рамках закона. І газета працягне сачыць за парушэннямі правоў чалавека і ў Чачні, і ў розных рэгіёнах нашай краіны». 

• 0
• 0
• 0
• 0
• 0
• 0
• 0
• 0