У 2015 годзе брытанец Джон Кокс зладзіў пажар на борце самалёта, пакурыўшы ў прыбіральні. Першапачаткова ён быў прысуджаны да 4,5 года турмы, аднак цяпер гэты тэрмін павялічаны больш чым удвая.
Апеляцыйны суд пагадзіўся з довадамі пракурора аб тым, што першапачатковы прысуд быў празмерна мяккім, і павялічыў пакаранне Коксу да дзевяці гадоў і шасці месяцаў пазбаўлення волі.
У 2015 годзе камандзір паветранага судна, які ляцеў з Бірмінгема ў егіпецкі курортны Шарм-эш-Шэйх, паслаў сігнал SOS і запытаў аварыйную пасадку ў бліжэйшым аэрапорце.
Прычынай гэтага стаў пажар, учынены на борце самалёта 46-гадовым Джонам Коксам, які выпіваў перад палётам і падчас яго, пасля чаго вырашыў пакурыць у прыбіральні.
Самалёт з больш чым 200 пасажырамі на борце знаходзіўся на вышыні больш за 10 тысяч метраў і на адлегласці каля 160 кіламетраў ад узбярэжжа Егіпта, калі экіпаж паведаміў капітану, што не можа патушыць агонь у сметніцы прыбіральні.
На дапамогу экіпажу прыйшоў адзін з пасажыраў, які працаваў у пажарнай выратавальнай камандзе, і ў выніку самалёт прызямліўся.
Капітан, які адлятаў 20 гадоў, сказаў, што ніколі не меў справу з настолькі патэнцыйна небяспечнай сітуацыяй.
У студзені ў Бірмінгеме прайшоў суд, на якім Кокс прызнаў сваю віну і пагадзіўся з тым, што яго дзеянні неслі пагрозу жыццю.
У ходзе апеляцыі абарона Кокса настойвала на змякчэнні прысуду, даказваючы, што ў момант здзяйснення злачынства Кокс знаходзіўся ў дэпрэсіі, бо перажываў нядаўнюю смерць маці і праблемы ў шлюбе.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары