Днямі ў Мінску адбыўся «Дыялог», арганізаваны прарасійскімі актывістамі, якія называюць сябе «рэспубліканскім рухам» «Грамадзянская згода».
Чытайце таксама: Слаўгарадскі юрыст Агафонаў і мінскі ахоўнік Канстанцінаў заснавалі прарасійскую арганізацыю
На той «Дыялог» паклікалі амаль што ўвесь прарасійскі спектр сілаў у Беларусі, запрашэнні атрымалі таксама Алег Гайдукевіч ад Ліберальна-дэмакратычнай партыі і кампанія «Гавары праўду» — ад іх прыйшоў Уладзіслаў Маруціч.
Але ўвагу звяртае факт, што за адным сталом з Гайдукевічам сядзеў Сяргей Лушч з «Румола».
Чытайце таксама: Ад неанацызму і змагання з «юда-хрысціянскай акупацыяй» да студыі Давыдзькі: спецматэрыял пра кіраўніка «Румола» Сяргея Лушча
Мы спыталіся ў Гайдукевіча, як яму было сядзець побач з Лушчом.
«Куды пасадзілі, туды і сеў. А ўвогуле, я сядзеў побач з Неміровічам — маім намеснікам. Я ж такі — куды запросяць, туды і прыйду. Запросяць у БНФ — пайду выступіць у БНФ, запросіць Севярынец — да яго пайду. Але калі я і сядзеў побач з Лушчом, гэта яшчэ не значыць, што я падтрымліваю яго ідэі», — запэўніў Гайдукевіч.
Праўда, пасля ён дадаў, што «зрабіў для сябе высновы».
Каментары