Беларусі не варта драматызаваць сітуацыю з пастаўкамі прадуктаў харчавання ў Расію, заявіў журналістам міністр сельскай гаспадаркі і харчавання Леанід Заяц на адкрыцці выставы «Белагра».
«Ідуць перамовы, усё прадаецца, на складах вялікіх запасаў прадукцыі няма», — адзначыў Заяц.
Міністр падкрэсліў, што Беларусь працягвае актыўна асвойваць экспарт у трэція краіны. У прыватнасці, за мінулы год у Кітай беларускія вытворцы прадалі малочнай прадукцыі на 3,1 млн даляраў, а за чатыры месяцы гэтага года — ужо на 5,6 млн. На кітайскім рынку атэставана 34 беларускія малочныя прадпрыемствы.
Заяц нагадаў, што залішнія магутнасці Беларусі адносна малака складаюць каля 60%, у дзень Беларусь прадае 11 тысяч тон малакапрадуктаў, прычым на тоне сухога малака краіна зарабляе 540 даляраў, на тоне сыру - 1390 долараў.
У параўнанні з мінулым годам беларускія малакаперапрацоўшчык павялічылі рэнтабельнасць вытворчасці ў два разы і зарабілі 130,5 млн рублёў чыстага прыбытку, хоць за чатыры месяцы мінулага года мелі страту за 3,5 млн руб, паведаміў міністр.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары