Паўночная Карэя вызваліла амерыканскага студэнта Ота-Фрыдэрыка Уормбіра, асуджанага на 15 гадоў за спробу скрасці агітацыйны плакат, піша ВВС.
«Па ўказанні прэзідэнта Дзярждэпартамэнт дамогся вызвалення Ота Уормбіра з Паўночнай Карэі. Містэр Уормбір знаходзіцца на шляху ў ЗША, дзе ён уз'яднаецца са сваёй сям'ёй», — паведаміў дзяржсакратар ЗША Рэкс Тылерсан.
Ён таксама адзначыў, што Дзярждэпартамент працягвае весці перамовы аб вызваленні яшчэ траіх грамадзян ЗША, якія застаюцца пад вартай у Паўночнай Карэі.
Бацькі Уормбіра распавялі Washington Post, што іх сын знаходзіцца ў стане комы. Сям'і паведамілі, што неўзабаве пасля суда ў маладога чалавека дыягнаставалі батулізм. Па словах прадстаўнікоў паўночнакарэйскага боку, Уормбір запаў у кому, прыняўшы снатворнае.
22-гадовы студэнт Універсітэта Вірджыніі быў затрыманы ў КНДР у студзені 2016 года. Улады краіны абвясцілі, што турыст здзейсніў «варожыя дзеянні», але якія менавіта, не паведамлялася.
На прэс-канферэнцыі ў канцы лютага Уормбір прызнаўся, што зняў са сцяны гатэля палітычны плакат і што яго ўчынак быў накіраваны на нанясенне шкоды матывацыі народа Паўночнай Карэі.
На той жа прэс-канферэнцыі ён распавёў, што забраў плакат з палітычным лозунгам па просьбе верніка сваёй царквы. Па словах студэнта, у абмен яму прапанавалі ўжываную машыну коштам у 10 тысяч даляраў.
Паўночнакарэйскія ўлады рэгулярна ладзяць пастановачныя прэс-канферэнцыі, на якіх арыштаваныя замежнікі «прызнаюцца» ў цяжкіх злачынствах супраць рэжыму. Ці было прызнанне Уормбіра шчырым, невядома.
У сакавіку 2016 года Уормбір быў прысуджаны да 15 гадоў працоўных лагераў.
Заявы аб вызваленні Уормбіра супалі з візітам у КНДР амерыканскага баскетбаліста Дэніса Родмана. Выступаючы перад журналістамі ў Пекіне, ён заявіў, што вызваленьне вязняў — «не яго мэта цяпер». Родман, які лічыцца сябрам паўночнакарэйскага лідэра Кім Чэн Ына, рэгулярна наведвае КНДР.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары