У Віцебску на цэнтральных праспэктах зьявіліся вялікія белыя сьляды. Яны значаць, што ня сьлед ісьці сьледам.
У Віцебску на цэнтральных праспэктах зьявіліся вялікія белыя сьляды — такім чынам супрацоўнікі ДАІ прыцягваюць увагу пешаходаў да неабходнасьці пераходзіць дарогу толькі там, дзе гэта дазволена, паведамляе «Звязда».
Сьляды на дарозе — адзін з распаўсюджаных рэклямных прыёмаў, бо кожны ведае, што па сьлядах сьлед ісьці, бо сьляды дакладна кудысь прывядуць.
Але ў віцебскіх даішнікаў, як аказалася, лёгіка цалкам супрацьлеглая: сьляды намаляваныя акурат там, дзе пад колы машын часьцяком трапляюць людзі.
Побач на інфармацыйных стэндах месьціцца статыстыка траўматызму й сьмяротнасьці пешаходаў на пазначаных сьлядамі ўчастках.
На думку мясцовай аўтаінспэкцыі, вялікі белы сьлед — настолькі ўдалае абазначэньне сьмяротнай небясьпекі, што прыдумку зьбіраюцца ўкараніць і ў іншых гарадах рэгіёну.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў4
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары