Сёння было другое паседжанне суда па справе Аляксандра Баразенкі — журналіста вінавацяць у парушэнні аўтарскіх правоў, звязаных з брэндам «Белсат». Апытвалі сведак па справе. Адзін са сведак заявіў, што яго ніхто раней не апытваў, хаця адпаведны пратакол ужо далучаны да справы.
Аддзел па барацьбе з эканамічнымі злачынствамі РУУС Першамайскага раёну Менска склаў пратакол на журналіста Аляксандра Баразенку «за парушэнне аўтарскіх, сумежных і патэнтных правоў» (артыкул 9.21КоАП). Цяпер яму пагражае штраф ад 460 да 1150 рублёў. Праваахоўнікі хочуць зрабіць Баразенку адказным па справе аб нібыта парушэнне аўтарскіх правоў, звязаных з брэндам «Белсат». Сам аператар лічыць, што «справу завялі, каб канфіскаваць тэхніку, на якой ён працуе».
У судзе дапыталі сведку Аляксандр Янкоўскага, які адбываў арышт у адзін час з Баразенкам на Акрэсціна. Сведка не памятае, колькі быў на «сутках» і калі.
Таксама ў справе ёсць пратакол апытання Янкоўскага, але сведка сказаў, што яго не апытвалі. «Напэўна нехта пісаў пад капірку», — заявіў Янкоўскі.
Адвакат паўторна хадайнічаў аб далучэнні да справы вынікаў апытання Баразенкі на дэтэктары хлусні. Хадайніцтва паўторна не задаволілі.
Затым адвакат заявіла хадайніцтва вярнуць пратакол у міліцыю на дапрацоўку ў сувязі з парушэннямі. Хадайніцтва было задаволена.
Пасля таго, як пратакол будзе дапрацаваны, працягнецца разгляд справы.
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі10
Каментары