Мексіканская кампанія Motores Limpios паведамляе, што ўжо праз некалькі месяцаў пачне серыйную вытворчасць электрамабіляў маркі Zacua. У продажы з'явяцца адразу дзве мадэлі, цэны на якія будуць пачынацца ад $25 тысяч.
Кіраўнік аўтамабільнай кампаніі Хорхе Марцінэс растлумачыў, што неабходнасць выпуску электрычных аўтамабіляў выклікана пагрозай глабальнага пацяплення і іншымі экалагічнымі праблемамі. Аўтамабілі з нулявым узроўнем выкідаў змогуць стаць для краіны першым крокам у барацьбе з забруджваннем навакольнага асяроддзя.
Машыны Zacua распрацаваныя сумесна з замежнымі кампаніямі. Французы з Automobiles Chatenet зрабілі дызайн электрамабіля, а інжынеры іспанскай кампаніі Dynamik Technological дапамаглі распрацаваць «начынне» машыны.
Спачатку ў продажы з'явіцца двухмесны аўтамабіль. Яго даўжыня складзе тры метры, а шырыня — паўтара. Пры вышыні 1,4 метра электракар будзе важыць усяго 380 кілаграмаў. Пры такіх габарытах ён зможа праехаць да 115 кіламетраў. Максімальная хуткасць аўтамабіля — 100 кіламетраў у гадзіну.
Да канца 2019 года вытворца плануе выпусціць каля 600 аўтамабіляў. Сто з іх выйдуць да канца 2017 года, яшчэ дзвесце ў наступным годзе. Астатнія трыста машын плануюць рэалізаваць у 2019 годзе.
Лукашэнка знайшоў незвычайныя словы для спачування Хаменеі: «вераломная атака»27
Каментары