Мінадукацыі: Рашэнне, а якой пачынаць урокі, ужо павінна быць прынята ва ўсіх школах
Рашэнне аб тым, а якой пачынаць заняткі, ужо павінна быць прынята ва ўсіх школах, паведаміла намеснік міністра адукацыі Раіса Сідарэнка падчас анлайн-канферэнцыі на сайце Белтэлерадыёкампаніі.
— Цяпер ужо, безумоўна, гэта рашэнне павінна быць прынятае. І яно прынята ва ўсіх школах. Дзіўна, што да гэтага часу яшчэ не размешчана інфармацыя на сайтах устаноў адукацыі. Хоць я ведаю, што ў некаторых установах адукацыі гэтая тэма яшчэ абмяркоўваецца, — распавяла намеснік міністра.
Нагадаем, 12 мая Аляксандр Лукашэнка даручыў перагледзець графік працы школ. «Раней за 9 раніцы ўрокі пачынаць не трэба», - заявіў кіраўнік краіны. Пасля гэтага ў многіх школах задумаліся аб новым графіку працы з 1 верасня. Навучальныя ўстановы, якія працуюць у дзве змены, разглядалі варыянт пачынаць заняткі ў 8.30 або 9.00, якія працуюць у адну змену - з 9.00.
Цяпер чытаюць
«Анліфаншчыца з Пінска» кажа, што яна не анліфаншчыца і не ў рабстве ў М'янме9
Каментары