Samsung Electronics мае намер выпусціць гнуткі смартфон у наступным годзе. Аб планах кампаніі распавёў яе топ-менеджар Дон-Джын Кох, які ўзначальвае мабільнае падраздзяленне.
Паводле яго слоў, «Самсунг» разлічвае на выпуск мабільнай прылады з гнуткім дысплеем у 2018 годзе. Гэты апарат плануецца прадаваць пад брэндам Galaxy Note. Аднак кіраўнік прызнаў існаванне шэрагу цяжкасцяў, якія яшчэ трэба будзе пераадолець перад масавымі продажамі гаджэта, які будзе здольны складвацца напалову з дапамогай згінання корпуса разам з экранам. Адбывацца гэта будзе без выкарыстання шарніраў, як гэта некалі было ў тэлефонаў-«раскладушак».
«На правах кіраўніка бізнэсу я магу сказаць, што наша мэта — гэта наступны год. Толькі калі мы зможам вырашыць усе праблемы, мы выпусцім гэты прадукт», — заявіў Дон-Джын Кох на прэс-канферэнцыі ў аўторак.
Ён не ўдакладніў, у чым менавіта заключаюцца гэтыя праблемы. Апытаныя Bloomberg аналітыкі кажуць, што серыйная вытворчасць гнуткіх тэлефонаў, якія маюць высокатэхналагічнае абсталяванне і тонкую канструкцыю, патрабуе нямала часу.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары