Міністэрства адукацыі Саудаўскай Аравіі ў нядзелю пачало замяняць падручнікі для сацыяльных навук, у якіх аказалася фатаграфія караля Фейсала бен Абдэль Азіза з персанажам фільма «Зорныя войны» магістрам Ёдам, паведаміў у твітары прадстаўнік ведамства Мубарак аль-Асімі.
На фатаграфіі ў падручніку Ёда сядзіць за сталом побач з каралём у той момант, калі той падпісвае статут ААН у 1945 годзе. Фейсал бен Абдэль Азіз правіў Саудаўскай Аравіяй на працягу 11 гадоў і правёў нямала пераўтварэнняў у каралеўстве, у прыватнасці, заснаваў яго прававую сістэму, піша РIАН.
У нядзелю прадстаўнік міністэрства, якое сталі вінаваціць у наўмысным здзеку з кіраўніка, сабраў экстранную сустрэчу з удзелам асоб, адказных за выпуск падручнікаў.
«Пасля вызначэння адказнага за памылку ў выдадзеным падручніку міністэрства адукацыі пачало замену падручнікаў сацыяльных навук для сярэдняй школы ва ўсіх упраўленнях», — адзначыў аль-Асімі.
Раней міністр адукацыі Ахмед аль-Іса папрасіў прабачэння «за ненаўмысную памылку з фатаграфіяй падпісання статута ААН» і абвясціў аб стварэнні спецыяльнай камісіі для вызначэння вінаватага ў гэтым.
Стваральнік выявы, дзе Ёда сядзіць побач з каралём, саудаўскі мастак Абдала аш-Шахрам прызнаўся, што стварыў цэлую серыю такіх здымкаў, размясціўшы на гістарычных фотаздымках з дапамогай фоташопа папулярных сучасных персанажаў з мэтай «зрабіць іх менш дэпрэсіўнымі». Ён растлумачыў, што невыпадкова змясціў менавіта Ёду побач з манархам. «Ён быў мудрым і добрым аратарам, таму я вырашыў, што Ёда — найбольш блізкі па характары каралю персанаж. А яшчэ Ёда зялёнага колеру», — сказаў мастак саудаўскім СМІ. Пры гэтым аш-Шахрам падкрэсліў, што не мае дачынення да з'яўлення сваёй працы ў падручніку.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары