Імя дзяўчыны, якую знайшлі каля ДС «Дружная» каля вакзала ў Мінску, устаноўлена. Гэта жыхарка Мінскага раёна 1987 года нараджэння.
Праведзеная працэдура апазнання сваякамі, паведаміла ў сваім фэйсбуку афіцыйны прадстаўнік Следчага камітэта Юлія Ганчарова.
Цела дзяўчыны знайшлі 25 жніўня. Доўгі час не было магчымасці ўстанавіць асобу. На месцы здарэння не было знойдзена ні мабільнага тэлефона, ні дакументаў. Параўнанне ўзораў адбіткаў пальцаў рук па дактыласкапічных уліках выніку не дало.
Смерць не насіла крымінальнага характару. «Паводле атрыманых ад экспертаў упраўлення Дзяржаўнага камітэта судовых экспертыз па Мінску звестак, смерць наступіла ад пераахаладжэння», — паведаміла ўчора Юлія Ганчарова.
«Жанчына дастаткова маладая, па ўсіх прыкметах не вяла асацыяльнага ладу жыцця», — адзначыла ўчора афіцыйны прадстаўнік СК.
Каментары