Паказальна, што стасункі Вэнэсуэлы і ЗША ускладняюцца на фоне росту ваеннага супрацоўніцтва Каракаса і Масквы.
Свае дзеяньні Чавэс патлумачыў салідарнасьцю з прэзыдэнтам Балівіі Эва Маралесам, які днём раней таксама прыняў рашэньне выслаць амэрыканскага пасла.
«Яны паспрабуюць зрабіць тое самае, што яны робяць у Балівіі», — сказаў вэнэсульскі лідэр.
Адначасова з гэтым Чавэс сказаў, што пасол Вэнэсуэлы вернецца ў Вашынгтон, калі ў ЗША будзе новы ўрад.
Прэзыдэнт Вэнэсуэлы таксама прыгразіў тым, што калі Вашынгтон паспрабуе давіць на яго, Каракас спыніць пастаўкі нафты ў ЗША.
«Гэта дастаткова, янкі», ‑‑ груба заявіў лідэр Вэнэсуэлы.
Паказальна, што стасункі Вэнэсуэлы і ЗША ускладняюцца на фоне росту ваеннага супрацоўніцтва Каракаса і Масквы.
Напярэдадні ў Вэнэсуэлу прыляцелі два стратэгічныя бамбардзіроўшчыкі ВПС Расеі.
Днём раней другому амэрыканскаму паслу было загадана пакінуць Балівію.
Прэзыдэнт Балівіі Эва Маралес зьвінаваціў пасла Філіпа Голдбэрга ў змове супраць дэмакратыі і падбухторваньні да развалу краіны.
На ўсходзе краіны ідуць антыўрадавыя выступы, якія, на думку Маралеса, падтрымлівае Вашынгтон. Яны прывялі да сутыкненьняў з паліцыяй
Каментары