Паўночнаатлантычны альянс перасцярог свет ад вайны з Паўночнай Карэяй.
«Ваенны канфлікт з КНДР будзе мець спусташальныя наступствы», - заявіў у пятніцу, 13 кастрычніка, генеральны сакратар НАТА Енс Столтэнберг, выступаючы ў штаб-кватэры арганізацыі ў Бруселі.
Столтэнберг дадаў, што ў ЗША ёсць права на самаабарону і на абарону сваіх саюзнікаў, аднак «ніхто ў свеце не жадае вырашаць пытанне з КНДР ваенным шляхам». Ён выступіў за пошук дыпламатычнага рашэння.
11 кастрычніка лідар Паўночнай Карэі Кім Чэн Ын заявіў, што «армія КНДР, якая валодае нябачанай сілай, не пакіне бяскарнай Амерыку». А ў верасні, выступаючы ў ААН, прэзідэнт ЗША Дональд Трамп паабяцаў «цалкам знішчыць Паўночную Карэю», калі яна будзе пагражаць ЗША.
«Кайлас, я іду». Што за беларуска знікла ў жудасным селі ў Непале6
Каментары