Ізраільцяніна злавілі на спробе ўвезці ў Беларусь буйную суму наяўных
Грамадзянін Ізраіля можа атрымаць да пяці гадоў пазбаўлення волі з канфіскацыяй грошай пасля таго, як спрабаваў увезці ў Беларусь суму, якая больш чым у тры разы перавышала вызначаны ліміт. Пра гэта паведаміў Дзяржаўны мытны камітэт.
Пасля прылёту ў Мінск мужчына праходзіў мытны кантроль і выбраў зялёны калідор, што азначае адсутнасць тавараў і грашовых сродкаў, якія неабходна дэклараваць. Аднак у яго багажы мытнікі знайшлі наяўныя грошы ў розных валютах на агульную суму, эквівалентную 33 тысячам даляраў.
Як адзначылі ў мытным камітэце, гэтая сума больш чым у тры разы перавышала ўстаноўлены законам ліміт (10 тысяч даляраў), у межах якога наяўныя грошы можна перамяшчаць праз мытную мяжу без дэкларавання.
У дачыненні да іншаземца завялі крымінальную справу паводле часткі 2 артыкула 228 Крымінальнага кодэкса Беларусі. Яму пагражае да пяці гадоў пазбаўлення волі з канфіскацыяй грашовых сродкаў.
У Дзяржаўным мытным камітэце нагадалі, што наяўныя грошы ў суме, эквівалентнай 10 тысячам долараў ЗША і больш, пры перасячэнні мытнай мяжы неабходна абавязкова дэклараваць у пісьмовай форме. Для гэтага трэба праходзіць праз чырвоны калідор пункта пропуску.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары