Пра гэта заявіў сёння прэм'ер-міністр Беларусі Андрэй Кабякоў на адкрыцці беларуска-еўрапейскага інвестыцыйнага форуму «Belarus. Invest in tomorrow» ў Люксембургу, піша БелТА.
«Беларусь адрознівае лёгкасць вядзення бізнэсу. З 115-га месца ў рэйтынгу (Doing Business) з 180 краін мы выйшлі на 37-е месца. Усе гэтыя гады Беларусь — у ліку найбольш актыўных рэфарматараў. Няма ніводнай пазіцыі, дзе б мы не прасунуліся. Наша стратэгія амбіцыйная — увайсці ў трыццатку краін-лідараў па спрыяльным інвестыцыйным клімаце», — адзначыў Андрэй Кабякоў.
Прысутным на форуме бізнэсменам прэм'ер-міністр прапанаваў свабодны фармат зносін без доўгіх прамоваў і глабальных дыскусій. «Мы тут, каб паказаць вам Беларусь такой, якая яна ёсць, развеяць стэрэатыпы, прадставіць магчымасці для вашых праектаў, шлях на велізарны агульны рынак Беларусі, Казахстана і Расіі», — сказаў Андрэй Кабякоў.
Ён падкрэсліў, што ў Беларусі адзін з самых нізкіх у Еўропе падаткаў на прыбытак карпарацый — 18%. Практычна цалкам ад падаткаў вызваленыя высокатэхналагічныя прадпрыемства.
«У нас выдатная інфраструктура, магутная і надзейная энергасістэма. Па якасці інфраструктуры мы на 65-м месцы ў свеце з 155 краін. Гэта дадзеныя Сусветнага банка, якія кажуць аб інфраструктурнай заможнасці Беларусі», — сказаў кіраўнік урада.
Цяпер чытаюць
Анжаліка Мельнікава пасля знікнення набыла дзве кватэры ў Мінску27
Каментары