З'явіўся дадатак, які адсочвае «сумнеўныя выявы» на смартфоне дзяцей
Брытанская кампанія YIPO распрацавала дадатак Gallery Guardian, які дапамагае бацькам сачыць за тым, што дасылаюць іх дзеці і якія малюнкі яны захоўваюць у сваім тэлефоне.
Gallery Guardian выкарыстоўвае алгарытмы, каб распазнаць выявы аголенага цела і «любы сэксуальны кантэнт», які атрымлівае або адпраўляе дзіця.
Дадатак дасылае бацькам апавяшчэнне, калі дзіця атрымлівае або адпраўляе сумнеўныя малюнкі, пры гэтым бацькі не бачаць самі здымкі. Кіраўнік кампаніі-распрацоўшчыка YIPO Technologies Даніэль Скаўронскі растлумачыў, што распрацоўшчыкі зрабілі так наўмысна.
З Gallery Guardian бацькі змогуць абараніць дзіця і адначасова не парушаць іх асабістую прастору.
Па словах Скаўронскі, дадатак таксама дае бацькам спасылкі на карысныя рэсурсы і падказвае, як лепш пагаварыць з дзіцём аб магчымай праблеме.
У красавіку дадатак быў даступны толькі ў Вялікабрытаніі, зараз ён ёсць у іншых краінах, у тым ліку і ў беларускім AppStore і Google Play.
Смартфоны бацькоў можна сінхранізаваць з тэлефонамі дзяцей. Для гэтага неабходна дадаць дадзеныя дзіцяці ў дадатку, пасля чаго ён дашле код для сінхранізацыі з тэлефонам дзіцяці, куды таксама трэба ўсталяваць Gallery Guardian. Мяркуючы па скрыншотах, дадатак таксама можа вызначаць месцазнаходжанне дзіцяці.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас16
Каментары