На ўзбярэжжа Чукоткі выкінула гіганцкіх «марскіх змей» даўжынёй 25 метраў ФОТА
На паўднёвым узбярэжжы Чукоцкага паўвострава знайшлі шматлікія змеепадобныя аб'екты даўжынёй у тры-чатыры чалавечыя росты, паведамляе нацыянальны парк «Берынгія». Паводле навукоўцаў, гэта гіганцкія водарасці, якія звычайна растуць ля ўзбярэжжа ЗША.
«Марскіх змей» сёлета можна было назіраць пасля моцных штармоў на марскіх пляжах паўвострава. Карычневыя «галовы» і «целы», што паказваюцца з марскіх хваляў, прыцягваюць ўвагу і маракоў з грузавых судоў, якія праходзяць па поўначы Берынгава мора.
Многія прымаюць незвычайныя і нават крыху жахлівыя аб'екты за жывёлаў, што насамрэч памылкова. Як распавядаюць навукоўцы, гіганцкія «змеі» — усяго толькі бурыя водарасці Nereocystis luetkeana, якія маюць доўгі ствол (да 25 метраў), а на яго канцы — пузыр.
Нягледзячы на гіганцкія памеры, гэта аднагадовыя водарасці. У снежні, калі яны адрываюцца ад грунту, ствалы з пузыром часта выкідвае на Алеуцкіх і Камандорскіх выспах. Радзей водарасці дабіраюцца да паўднёвых Курыльскіх астравоў і паўночнай часткі Берынгава мора.
Каментары