Apple прызнала, што ўразлівасць працэсараў Intel закранула таксама ўсе iPhone, iPad i Mac
Кампанія Apple пацвердзіла, што крытычная ўразлівасць працэсараў Intel, пра якую стала вядома нядаўна, закранула таксама ўсе мадэлі iMac і iPhone. Пра гэта гаворыцца ў заяве на сайце карпарацыі.
«Знойдзены дзве пагрозы пад назвамі Meltdown і Spectre. Гэтыя праблемы закранаюць амаль усе прылады і аперацыйныя сістэмы, усе камп'ютары Mac і прылады iOS падвергнутыя небяспецы», — сцвярджаюць у Apple. Пры гэтым удакладняецца, што ў гэты момант невядома пра шкоднасныя коды, здольныя паўплываць на канчатковых карыстальнікаў.
У кампаніі дадалі, што каб хакеры змаглі скарыстацца ўразлівасцю, неабходна ўсталяваць заражаны дадатак на прыладу, а каб засцерагчы сябе ад гэтага, варта давяраць толькі надзейным крыніцам, такім як App Store.
Meltdown дазваляе з дадаткам чытаць любую памяць камп'ютара, у тым ліку памяць ядра. Spectre з дапамогай праблемы ў ізаляцыі праграм дазваляе хакеру чытаць інфармацыю з іншых дадаткаў. Гэтыя ўразлівасці здольныя атакаваць працэсары Intel, ARM64, і, імаверна, AMD.
Чытайце таксама: Выяўленая сур'ёзная праблема ва ўсіх працэсарах Intel, выпушчаных за апошнія 10 год
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?8
Каментары