Ігар Гершанкоў, якога летась прыгаварылі да смяротнага пакарання, напісаў сваёй маці два лісты з-за кратаў. Іх апублікаваў магілёўскі праваабарончы партал mspring.online.
Гершанкова разам з яго жонкай Таццянай і яшчэ двума паплечнікамі вінавацілі ў забойстве шасці чалавек і падрыхтоўцы да забойства яшчэ траіх. Яны шукалі алкаголікаў, угаворвалі іх прадаць жыллё, абяцалі дапамагчы набыць новае. Аднак затым прадаўцоў забівалі. У выніку Гершанкоў і Сямён Беражной атрымалі найвышэйшую меру пакарання, жонка Гершанкова — 25 гадоў калоніі, яшчэ адзін фігурант справы — 22 гады.
Цяпер 37-гадовы Ігар Гершанкоў знаходзіцца ў мінскім СІЗА. Яго маці Людміла расказвае, што лісты ад сына пачала атрымліваць толькі калі яго перавялі з Магілёва ў Мінск.
Лісты былі адпраўлены ў канцы снежня. У іх Гершанкоў сцвярджае, што ў яго выбівалі паказанні падчас следства. У ІЧУ ён прасіў дактароў зафіксаваць пабоі, але яны гэтага не зрабілі, піша Ігар, але пасля прыходзіў нейкі чалавек, які «замяраў цялесныя пашкоджанні лінейкай».
«Мама, напішы ліст прэзідэнту, калі ласка, і пра ўзоры майго почырку пакажы, што следчы наўмысна не падаў іх эксперту і што суд адхіліў усе хадайніцтвы», — просіць ён маці.
Таксама мужчына запэўнівае бацькоў, што нікога не забіваў.
«Але мама Родная ты ведай, я сын твой незабойца і незабіваў ніколі!» [арфаграфія аўтара].
***
На тэлеграм-канал «Нашай Нівы» можна падпісацца тут.
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка10
Каментары