Суд Баранавіцкага раёна прысудзіў 22-гадовага мясцовага жыхара да двух месяцаў арышту за напад на кантралёра, паведамляе БелТА са спасылкай на памочніка Баранавіцкага міжраённага пракурора Юлію Акуліч. Інцыдэнт адбыўся ў лістападзе мінулага года.
Малады чалавек ехаў у аўтобусе, але, з яго словаў, забыўся прабіць талон. Зрабіў гэта, калі праз некалькі прыпынкаў у салон зайшлі кантралёры. Адзін з іх сказаў пасажыру, што за неаплочаны праезд яму давядзецца заплаціць штраф.
Парушальнік паспрабаваў выйсці з транспарту, аднак супрацоўнік заступіў яму шлях. У адказ мужчына схапіў апанента за грудзі, штурхнуў на сядзенне і утрымліваў рукамі ў вобласці шыі. Калега пацярпелага зняла бойку на відэарэгістратар. Заўважыўшы гэта, хуліган адпусціў кантралёра, а затым выбег з аўтобуса.
Мужчына раскаяўся ў зробленым, папрасіў прабачэння ў пацярпелага. Суд прызнаў безбілетніка вінаватым у здзяйсненні злачынства па ч.1 ст.366 (гвалт у дачыненні да службовай асобы, якая выконвае службовыя абавязкі) КК і прызначыў яму два месяцы арышту.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?11
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары