«Прэзыдэнцкі спартовы клюб», які ўзначальвае Дзьмітры Лукашэнка, вырашыў заняцца звышпрыбытковым лятарэйным бізнэсам ЗАТ «Спорт‑Пары»
«Прэзыдэнцкі спартовы клюб», які ўзначальвае Дзьмітры Лукашэнка, вырашыў заняцца звышпрыбытковым лятарэйным бізнэсам ЗАТ «Спорт‑Пары», была атрыманая ліцэнзія на правядзеньне электронных спартовых гульняў. Справа пастаўленая з размахам. Так, па словах намесьніка старшыні рады дырэктараў ЗАТ «Спорт‑Пары» Іны Анікевіч, да канца сёлетняга году ў Беларусі будзе ўсталявана тысяча электронных тэрміналаў. Праз тры гады іх колькасьць вырасьце ў пяць раз.
Сталіца, абласныя і раённыя цэнтры, гарады з насельніцтвам больш 5 тысяч чалавек — новае абсталяваньне зьявіцца найперш тут. Гіпэрмаркеты, банкі, рынкі, вакзалы, шапікі «Белсаюздруку», месцы масавага збору людзей — зрабіць стаўку можна будзе ўсюды. Праграмнае забесьпячэньне гульнявога абсталяваньня здольныя генэраваць да 400 відаў гульняў. Гульнявую сыстэму распрацавала і пастаўляе ў Беларусь амэрыканская кампанія GTECH. Розыгрыш будзе праводзіцца два разы ў тыдзень.
Бюджэт праекту першай электроннай інтэрактыўнай гульні перавышае 20 мільёнаў даляраў. Усе даходы ад чарговага «поля цудаў» пад дзяржаўнай шыльдай натуральна пойдуць на добрыя мэты.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер16
Каментары