У чацвер, за дзень да пачатку Зімовых Алімпійскіх гульняў у паўднёвакарэйскім Пхёнчхане, у сталіцы Паўночнай Карэі прайшоў вайсковы парад.
Раней на працягу 40 гадоў парад у Пхеньяне праводзіўся 25 красавіка — у гадавіну дня, калі заснавальнік дзяржавы Кім Ір Сэн арганізаваў свой першы партызанскі атрад у 1932 годзе.
8 лютага ў краіне ўжо даўно адзначалася гадавіна заснавання рэгулярнай арміі КНДР у 1948 годзе, але да гэтага часу гэты дзень лічыўся не такім значным святам, піша Бі-бі-сі.
Пра тое, што парад адбыўся, пакуль паведаміла толькі крыніца агенцтва Франс-прэс ва ўрадзе Паўднёвай Карэі. Афіцыйныя паўночнакарэйскія органы не вялі ніякай трансляцыі; замежных журналістаў, у адрозненне ад ранейшых гадоў, на мерапрыемства таксама не запрашалі.
У адказ на міжнародную крытыку рашэння зладзіць дэманстрацыю вайсковай сілы напярэдадні Алімпіяды Паўночная Карэя заявіла, што гэта выключна ўнутраная справа краіны і ніхто не мае права выступаць з абвінавачваннямі.
«Гэта традыцыйнае і асноватворнае разуменне аб тым, што любая краіна ў свеце вельмі сур'ёзна падыходзіць да пытання стварэння свайго войска і адзначае гэтую падзею з помпай», - напісала газета «Надон сінмун», афіцыйны орган Працоўнай партыі Карэі.
Цяпер чытаюць
Новыя дэталі знікнення Анатоля Котава. Яхта з ім змяніла курс на Абхазію, дзе яго вывелі супрацоўнікі ФСБ. Але выкраданне ці інсцэніроўка?5
Каментары