Удары па аб'ектах у Сірыі, якія ізраільскія вайскоўцы ажыццявілі ў суботу, 10 лютага, сталі найбуйнейшай аперацыяй ізраільскіх ВПС супраць СПА Сірыі з 1982 года. Пра гэта, як паведамляе Haaretz, заявіў начальнік штаба ізраільскіх ВПС генерал Тамер Бар.
Ізраільскія вайскоўцы заявілі, што нанеслі ўдар па 12 цэлях у Сірыі, у тым ліку па чатырох сірыйскіх аб'ектах СПА і чатырох іранскіх аб'ектах пасля крушэння самалёта F-16.
«Гэта — поўны аперацыйны поспех, гэта было найбуйнейшай атакай на сірыйскія сістэмы супрацьпаветранай абароны з часоў «Міру Галілеі», — перадала словы Бара прэс-служба Арміі абароны Ізраіля.
Ізраільскія самалёты распачалі першы налёт на сірыйскія аб'екты пасля таго, быў збіты іранскі беспілотнік, які парушыў паветраную мяжу Ізраіля з боку Сірыі. Іран адмаўляў, што яго беспілотнік заляцеў на тэрыторыю Ізраіля. Па словах Бара, дрон праляцеў над тэрыторыяй Ізраіля не больш за паўтары хвілін, пасля чаго быў збіты з верталёта.
Падчас налёту ізраільскіх самалётаў на аб'екты ў Сірыі адзін з іх быў збіты сірыйскай ракетай. Пілоты F-16 катапультаваліся, машына ўпала на тэрыторыі Ізраіля. Пасля гэтага ізраільцяне распачалі другую масіраваную атаку, мэтай якой сталі 12 аб'ектаў.
-
Спявачка Арыяна Грандэ запатрабавала ад Белага дома не выкарыстоўваць яе песень у антыіміграцыйных роліках
-
12‑гадовую іспанскую дзяўчынку згвалцілі пяць аднакласнікаў на дні нараджэння. Ім за гэта нічога не будзе
-
Памерла тайская прынцэса Баджракіціябха — старэйшая дачка караля і абаронца правоў вязняў. Тры гады яна была ў коме
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў17
Каментары