Чэшскія спартсмены байкатуюць этап Кубка свету па біятлоне, які павінен прайсці ў Цюмені з 22 па 25 сакавіка. Такім чынам, яны далучыліся да амерыканцаў, якія таксама адмовіліся ехаць у Расію.
Пры гэтым у чэшскай федэрацыі біятлону прызналі, што ігнараванне этапу ў Цюмені можа паўплываць на квоту для іх спартсменаў на наступны чэмпіянат свету. «Але калі заплюшчваць на ўсё вочы, то нічога не зменіцца», — заявіў прадстаўнік зборнай.
Раней пра байкот этапу Кубка свету ў Цюмені заявілі ў амерыканскай зборнай. Там адзначылі, што такім чынам маюць намер зрабіць свой унёсак у барацьбу за чысціню спорту.
Каментары