Праграма «Вяскоўцы» тэлеканала «Белсат» наведала сельскіх артыстаў з вёскі Пласток Любанскага раёну. Героі выдання — чальцы самадзейнага калектыву «Беражніца» — жывуць як адна сям’я, дапамагаючы адно аднаму і поле абрабіць, і закалоць парсючка.
Шчырыя патрыёты сваёй малой радзімы прачыталі верш, прысвечаны роднай вёсцы, праспявалі даўнейшыя шлягеры ды расказалі, як часта даводзіцца ім раздаваць аўтографы ды адбівацца ад прыхільнікаў іхнай творчасці.
Вядоўца Віктар Шукеловіч высвятляў таксама, як адчувае сябе ў калектыве адзіны мужчына і ці дбаюць пра яго каляжанкі.
Аматары народнай песні ўзгадалі, як у іхнай вёсцы з'явіўся першы тэлевізар, што даўней замяняла мясарубку, у чым насілі дзяцей у лес, і патлумачылі, што такое «пранік» ды як «палаць гарбузікі».
Не абышлося і без вясёлых показак пра тое, як дзяўчына пераблытала палена з каровай, як даўней «вала на дуба цягнулі», сеялі соль ды збіраліся ляцець на пеўні ў Маскву.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары