Навукоўцы стварылі пчол-робатаў, якія могуць апыляць расліны ВІДЭА
Японскія навукоўцы стварылі маленькіх «пчаларобатаў», якія могуць апыляць кветкі. Папуляцыя пчол у свеце імкліва змяншаецца, і дроны — беспілотныя лятаючыя апараты — павінны кампенсаваць уплыў гэтай тэндэнцыі на прыроду, піша Quartz.
У прыродзе пчолы адыгрываюць вельмі важную ролю: яны ўдзельнічаюць у апыленні раслін. Але колькасць пчол ва ўсім свеце памяншаецца, і калі гэтае змяншэнне працягнецца такімі ж тэмпамі, як і зараз, то пчолы могуць увогуле знікнуць ужо праз некалькі дзясяткаў гадоў.
Японскія навукоўцы прыдумалі рашэнне: яны стварылі маленькія дроны, якія могуць займацца апыленнем, пераносячы пылок з кветкі на кветку з дапамогай ліпкага гелю.
Пакуль гэтыя дроны не могуць свабодна лётаць у дзікай прыродзе — яны яшчэ патрабуюць дыстанцыйнага кіравання чалавекам. Але навукоўцы плануюць у далейшым запраграмаваць «пчаларобатаў», выкарыстоўваючы штучны інтэлект і GPS-сістэмы навігацыі.
Каментары