Рубіа расказаў пра перспектывы энергетычнага перамір’я паміж Украінай і Расіяй
Злучаныя Штаты паспрабуюць дамагчыся энергетычнага перамір’я паміж Украінай і Расіяй. Гэта пытанне, сярод іншага, плануецца абмеркаваць падчас сустрэчы прэзідэнтаў ЗША і Украіны Дональда Трампа і Уладзіміра Зяленскага. Пра гэта дзяржсакратар ЗША Марка Рубіа заявіў у інтэрв’ю Fox News.
Па словах Рубіа, нядаўняе павышэнне цэнаў на нафту і паліва было звязана пераважна з падзеямі ў Чорным моры і расійска-ўкраінскай вайной, а не з сітуацыяй вакол Ірана.
Амерыканскі дзяржсакратар адзначыў, што Украіна тлумачыць свае ўдары неабходнасцю адказваць на расійскія ракетныя атакі, у выніку якіх гінуць мірныя жыхары. Пры гэтым такія дзеянні маюць наступствы. Рубіа заявіў, што на працягу апошніх месяцаў звязаныя з ЗША судны, якія перавозяць амерыканскую нафту, станавіліся цэлямі ўкраінскіх атак, верагодна, ненаўмысна. Паводле яго, гэтую праблему неабходна вырашыць.
Рубіа падкрэсліў, што Трамп хоча спыніць вайну і гатовы зрабіць усё магчымае для дасягнення гэтай мэты. Ён прызнаў, што гэта складаны працэс, але выказаў надзею на станоўчы вынік. Па словах дзяржсакратара, Расія нясе вялікія страты, аднак Украіна таксама сутыкаецца з цяжкімі наступствамі вайны, таму ЗША хочуць спрыяць яе спыненню.
Рубіа растлумачыў, што пад энергетычным перамір’ем маецца на ўвазе спыненне ўдараў па энергетычнай інфраструктуры. У прыватнасці, не павінны атакавацца ні ўкраінскія энергетычныя аб’екты, ні расійскія аб’екты энергазабеспячэння.
ЗША лічаць такую дамоўленасць добрай ідэяй, гатовыя прапанаваць яе бакам і паспрабаваць дасягнуць пагаднення. Марка Рубіа паведаміў, што гэтае пытанне ўжо абмяркоўвалася з некалькімі краінамі. Аднак, як і ў выпадку з агульным спыненнем вайны, для энергетычнага перамір’я неабходная згода абедзвюх дзяржаў, што і стварае асноўную складанасць.
Закранаючы сітуацыю на Блізкім Усходзе, Рубіа заявіў, што яна палепшылася. Паводле яго, Армузскі праліў ачышчаны ад мін, а на сусветны рынак цяпер паступае амаль столькі ж нафты, колькі і да пачатку амерыканскай аперацыі супраць Ірана. Ён дадаў, што аб’ёмы паставак будуць павялічвацца.
Пры гэтым, як сцвярджае Рубіа, Іран не можа экспартаваць нафту праз амерыканскую блакаду. Ён кажа, што сусветны рынак атрымлівае больш нафты, а Іран не атрымлівае ад гэтага выгады. Акрамя таго, на іранскую эканоміку ўзмацняецца ціск праз санкцыі, якія, як заявіў дзяржсакратар ЗША, наносяць ёй значную шкоду. Рубіа прагназуе, што ў найбліжэйшыя тыдні становішча Ірана будзе пагаршацца: сусветныя пастаўкі нафты будуць расці, а Іран не зможа прадаваць сваю нафту і будзе адчуваць наступствы санкцый.
Трамп падчас тэлефоннай размовы з Зяленскім настойліва патрабаваў спыніць удары па расійскіх НПЗ
Нафтавікі ЗША папярэдзілі, што механізмы стрымлівання сусветнага паліўнага крызісу вычарпаныя
Крэмль прапанаваў Трампу дапамагчы спыніць удары па расійскіх танкерах і зняць з Расіі санкцыі, каб вырашыць праблемы ЗША з дызелем
Расія і Украіна абмяняліся ўдарамі па энергааб’ектах пасля слоў Трампа пра энергетычнае перамір’е
Зяленскі выказаўся за энергетычнае перамір'е з Расіяй, але сумняецца, што яна будзе яго выконваць
Дональд Трамп заявіў, што Расія і Украіна пагадзіліся на энергетычнае перамір’е
Герой Беларусі Марына Васілеўская нарадзіла дачку ад касманаўта Алега Навіцкага16
Каментары
Трамп убрал, с мирового рынка, в три раза больше дизтоплива и бензина, заблокировав Ормуз и Баб-эль-Мандебский проливы, чем Украина, которая борется за своё ВЫЖИВАНИЕ!
Рубио играет по правилам песочницы Трампа, а в этой песочнице, свои грехи и просчёты, решили саалить на Украину и Зеленского....