Школьны абед у Японіі — абавязковая частка адукацыі. ФОТЫ з японскіх сталовак
У Японіі дзецям з маленства тлумачаць, што любыя прадукты, якія яны спажываюць, уплываюць не толькі на цела, але таксама на мысленне і самаадчуванне, піша выданне Independent.
Як адзначыў прадстаўнік японскага ўрада па ахове здароўя ў школе, «пазіцыя ўрада такая, што школьны абед з'яўляецца абавязковай часткай адукацыі, а не перапынкам у вучобе».
Калі бацькі не могуць аплаціць дзіцяці харчаванне (каля $2,5), дзецям прапануюць бясплатныя або скарочаныя абедзенныя праграмы.
У Японіі абедзенны час амаль cакральны. Нікога не прыспешваюць, дзеці спакойна атрымліваюць асалоду ад ежы.
Школьнікі падаюць адно аднаму гатовыя абеды — так у іх выхоўваюць самастойнасць. У многіх школах няма нават дворнікаў, дзеці прыбіраюць за сабой самі.
Рыс — асноўны прадукт харчавання японцаў.
У абед звычайна ўваходзіць галоўная страва, рыс і суп. На фота — міса-суп, вяленая рыба, малако, рыс і смажаная свініна з гароднінай.
Яшчэ варыянт — тофу з мясам і рысам, салата, яблык і пакет малака.
У пачатковай школе Jinego ў прэфектуры Акіта тыповы абед складаецца з курыцы, рысу, міса-супу з вакаме, салаты з гародніны, малака і мандарына.
Кары з рысам, малако і салата з садавіны. У многіх школах раз на тыдзень падаюць на абед стравы карэйскай і італьянскай кухні.
У школе Яшыма — рыс, свініна і яйка, ёгурт, суп з тофу і багавіннем, малако.
У выніку японцы не толькі атрымліваюць здаровае цела і страўнік, але і вучацца адказна падыходзіць да таго, што яны ядуць. У Японіі паказчык сярэдняй працягласці жыцця адзін з самых высокіх, а ўзровень атлусцення насельніцтва ніжэйшы за сярэдні.
Ну а пасля абеду можна і паспаць.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй43
Каментары