Дык колькі ж каштуе лятаць з Мінска, Вільні, Варшавы і Кіева? ЛІЧБЫ
Аляксандр Лукашэнка падчас штогадовага паслання да народу і парламента звярнуў увагу, што Беларусь не выкарыстоўвае ў належнай меры свой геаграфічны патэнцыял.
«Гэта недаравальнае марнатраўства. Чаму нашым грамадзянам больш выгадна лётаць адкуль заўгодна — з Вільні, Кіева, Варшавы, — але не з Мінска? Калі Беларусь стане па-сапраўднаму прывабным вузлом? Урад павінен у гэтым годзе пакласці мне на стол дакумент, які прымусіць свет убачыць Беларусь і з гэтай пазіцыі», — даручыў ён.
«Наша Ніва» паглядзела некалькі папулярных кірункаў для бізнэса і турызма, куды могуць лятаць нашы людзі, і параўнала цэны. У якасці прыкладаў былі абраныя Барселона, Парыж, Стакгольм, Стамбул, Масква, Астана і Дубай.
У пералётах з Мінска мы бралі цэны «Белавія», якое з’яўляецца найбуйнейшым паветраным перавозчыкам на нашым рынку.
Варта адзначыць, што бралася пад увагу агульная цана квітка з улікам усіх збораў.
Са сталіц суседніх дзяржаваў лётаюць лаўкосты (самыя папулярныя — Ryanair і Wizzair), якія выстаўляюць мінімальную цану, але за розныя паслугі, як багаж, даводзіцца даплочваць асобна.
Варта таксама адзначыць, што лаўкосты часта лётаюць не ў асноўныя аэрапорты гарадоў, а ў больш аддаленыя, з якіх дабірацца нашмат цяжэй. Скажам, каб дабрацца з аэрапорта Парыжа-Буве да сталіцы Францыі, трэба аддаць амаль 20 еўра на аўтобус.
Пры гэтым усё адно найчасцей выходзіць больш танна ляцець менавіта з Вільні ці Варшавы, а не з Мінска.
Выходзіць, што істотна танней з Мінска лятаць толькі ў Маскву. Прыкладна аднолькавыя цэны на Казахстан. А вось у Еўропу выгадна лётаць з Вільні і Варшавы.
У нашых табліцах для параўнання браліся цэны на май туды-назад, каб прабыць у горадзе 5-8 дзён.
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты18
Каментары