Сотні берасцейцаў выйшлі на мітынг супраць акумулятарнага завода ФОТЫ
29 красавіка ў Брэсце ў парку воінаў-інтэрнацыяналістаў прайшоў санкцыянаваны мітынг супраць пабудовы акумулятарнага завода «АйПаўэр». Вось відэастрымы з мітынгу:
На мітынгу, паводле арганізатараў, было 1500—2000 людзей. Міліцыя сваіх ацэнак не назвала.
Вялі мітынг блогеры Сяргей Пятрухін і Аляксандар Кабанаў.
Мітынг завяршыўся прыняццем рэзалюцыі з патрабаваннем не дапусціць будоўлі і прыцягнуць да адказнасці чыноўнікаў, якія дапусцілі будаўніцтва завода і звоз свінцовых адкідаў да пасёлку Зялёны Бор.
Берасцейцаў таксама заклікалі працягваць актыўныя дзеянні супраць завода і далей выходзіць на акцыі па «кармленні галубоў» на цэнтральнай плошчы Берасця, паведамляе радыё «Свабода».
Будаваць акумулятарны завод пад Берасцем у канцы 2017 году пачала кампанія «АйПаўэр». Падрадчыкам выступае Аньхойская замежнаэканамічная будаўнічая карпарацыя (Кітай).
Завод будуецца каля вёсак Хабы, Шэбрын і Тэльмы-2. Афіцыйная экалагічная экспертыза прагназуе, што ўздзеянне завода на асяроддзе і чалавека будзе нязначнае.
Цяпер чытаюць
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі2
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары