ЗША пацвердзілі, што паставілі ўжо ва Украіну супрацьтанкавыя ракетныя комплексы амерыканскай вытворчасці Джавелін (Javelin), піша «Украінская праўда».
«Яны ўжо былі пастаўленыя», — адказаў 30 красавіка афіцыйны прадстаўнік Дзярждэпу на пытанне журналістаў украінскай службы Радыё Свабода наконт пастаўкі «Джавелінаў» Украіне.
Між тым у Дзярждэпе не паведамілі пра тое, калі і ў якіх аб'ёмах ракетныя сістэмы прыбылі ва Украіну, дзе яны захоўваюцца і ці ўсе абяцаныя ўстаноўкі былі дастаўленыя. Адна з крыніц толькі адзначыла, што «Джавеліны» былі дастаўленыя «своечасова».
У адміністрацыі прэзідэнта Украіны не сталі каментаваць дастаўку ўзбраення.
Белы дом пасля месяцаў гарачых дэбатаў у Вашынгтоне, і, як паведамлялася, пры супраціве прэзідэнта Дональда Трампа, ухваліў продаж ракет Украіне ў снежні. Гэта выклікала рэзкую крытыку з боку Масквы. Намеснік міністра замежных спраў РФ Сяргей Рабкоў абвінаваціў ЗША ў распальванні вайны.
Паведамлялася, што Украіна закупіць у ЗША 210 процітанкавых ракет Javelin і 37 пускавых установак коштам 47 млн даляраў.
«Джавелін» (Javelin) — амерыканскі пераносны супрацьтанкавы ракетны комплекс (ППРК), прызначаны для знішчэння бронетэхнікі, танкаў, а таксама беспілотных лятальных апаратаў, верталётаў і вінтаматорных самалётаў, калі тыя заходзяць на пасадку.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары