Падчас 43-га з'езда БРСМ арганізацыя абрала новага кіраўніка. Ім стаў 31-гадовы Дзмітрый Варанюк, які да гэтага займаў пасаду першага сакратара Мінскага абласнога камітэта ГА «БРСМ». У каментары Tut.by новы лідар арганізацыі расказаў, ці будуць прымушаць уступаць у БРСМ прымусова.
Сёння ў БРСМ знаходзіцца 450 тысяч чалавек. Новы лідар арганізацыі заявіў, што ён заўсёды быў катэгарычна супраць прымусовага ўступлення ў арганізацыю.
— Наколькі я ведаю, цяпер ужо даўно такога не адбываецца. Але мы праверым, і калі сярод нашых супрацоўнікаў або настаўнікаў ёсць тыя, хто прымушае дзяцей уступаць у нашы шэрагі, мы будзем з гэтым змагацца. Трэба проста распавядаць, што за арганізацыя і чым яна займаецца, а кожны малады чалавек няхай сам выбірае, уступаць у яе ці не. Сёння паказчык нашай паспяховай работы — гэта калі людзі, якія прыйшлі на наша мерапрыемства, уразіліся і захацелі ўступіць у нашы шэрагі. Усе астатнія лозунгі — глупства і мішура. Трэба, каб людзі ўступалі па закліку сэрца, па жаданні. І каб людзі да нас прыходзілі і дапамагаць іншым, і для самаразвіцця: мы будзем рабіць на гэтым упор, будзем праводзіць трэнінгі, развіваць маладых людзей, — кажа Дзмітрый Варанюк.
Чытайце таксама: Новы кіраўнік БРСМ — ураджэнец Ташкента, які жыве з жонкай і сынам у інтэрнаце
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары