Чатырохразовая алімпійская чэмпіёнка Дар'я Домрачава заявіла пра завяршэнне кар'еры. Пра гэта біятланістка заявіла сёння на прэс-канферэнцыі ў Мінску, што прайшла ў Нацыянальным алімпійскім камітэце.
«Мне няпроста было сабрацца і запрасіць вас. Я доўга думала, але прыйшоў час расставіць кропкі над «i». Пасля заканчэння сезона я спрабавала знайсці кампраміс, які дазволіў бы мне выхоўваць дзіця і сумяшчаць гэта са спартыўнай кар'ерай. На жаль, я не знайшла аптымальнага рашэння. Гэта абдуманае і нялёгкае рашэнне, але я завяршаю кар'еру. Час у вялікім спорце застанецца незабыўным», — сказала Дар'я.
У Домрачавай — 34 перамогі на этапах Кубка свету. Дар'я двойчы станавілася чэмпіёнкай свету па біятлоне — у 2012 і 2013-м гадах.
На Алімпійскіх гульнях Домрачава заваявала шэсць медалёў: у 2010-м беларуска заваявала бронзу ў індывідуальнай гонцы ў Ванкуверы. У 2014-м яна выйграла тры залатыя медалі (у гонцы пераследу, індывідуальнай гонцы, мас-старце), на Гульнях у Пхёнчхане ў 2018 г. Дар'я ўзяла срэбра ў мас-старце і золата ў жаночай эстафеце.
У ліпені 2016 г. Домрачава выйшла замуж за славутага нарвежскага біятланіста Уле-Эйнара Б'ёрндалена, у кастрычніку 2016 г. нарадзіла дачку, знайшла ў сабе сілы вярнуцца ў біятлон, але цяпер прыняла канчатковае рашэнне сысці.
Б'ёрндален прыняў рашэнне завяршыць кар'еру ўвесну.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары