У Скідзелі п'яны бяспраўнік пабіў давераную яму для рамонту машыну, паведамляе ДАІ УУС Гродзенскага аблвыканкама.
Раніцай 12 ліпеня ў дзяжурную частку Скідзеля паступіла паведамленне, што едзе «Форд», за рулём якога знаходзіцца нецвярозы кіроўца. Нарад міліцыі, які знаходзіўся побач, адразу адрэагаваў на паведамленне. Кіроўца легкавіка заўважыў патрульны аўтамабіль і вырашыў працягнуць шлях не па дарозе і з'ехаў у кювет, пашкодзіўшы пры гэтым машыну.
Кіроўца «Форда» быў затрыманы. У 34-гадовага парушальніка былі прыкметы алкагольнага ап'янення, таму яго даставілі на агляд. Колькасць алкаголю ў яго арганізме перавысіла 1,9 праміле.
На жыхара Скідаля склалі чатыры пратаколы, яму пагражае крымінальная адказнасць. «Форд», які парушальніку не належыць, можа быць канфіскаваны.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары