У Мінску мужчына загінуў пад коламі легкавіка. Пра гэта паведамляе Tut.by са спасылкай на ДАІ ГУУС Мінгарвыканкама.
Смяротны наезд адбыўся 14 ліпеня каля 08.30. Паводле папярэдняй інфармацыі, 45-гадовы кіроўца «Аўдзі А8» ехаў па праспекце Незалежнасці і насупраць дома №186 наехаў на мужчыну (каля 65 гадоў), які пераходзіў праспект злева направа адносна руху транспарту.
Ад атрыманых траўмаў пешаход памёр на месцы здарэння.
Абставіны высвятляюцца. На месцы працуюць следчыя, супрацоўнікі ДАІ, эксперты ўпраўлення Дзяржаўнага камітэта судовых экспертыз.
Каментары