Акцыі сацыяльнай сеткі Facebook упалі на 24% адразу пасля закрыцця асноўных таргоў у ЗША. Квартальная фінансавая справаздача кампаніі аказалася горшай, чым чакала большасць аналітыкаў.
Для адной з самых дарагіх кампаній у свеце гэта азначае, што ўладальнікі акцый Facebook страцілі ўсяго за некалькі хвілін сумарна каля 150 мільярдаў даляраў. Да абвяшчэння аб фінансавых выніках акцыі Facebook знаходзіліся на гістарычным максімуме; за 2018 год яны выраслі на 23%.
У справаздачы Facebook сказана, што выручка кампаніі за квартал вырасла на 42% і дасягнула 13,2 мільярда даляраў. Аналітыкі чакалі, што гэты паказчык павялічыцца да 13,3 мільярда — і гэта першы выпадак з 2015 года, калі вынікі Facebook аказаліся горшымі, чым меркавалі аналітыкі.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым1
Каментары