Сабака-інвалід з Берасця жыве ў Гамбургу і адпачывае ў Швецыі ВІДЭА
Яго завуць Ягуар і ён беларускі сабака-інвалід, які цяпер жыве ў Нямеччыне, піша Радыё Свабода.
Летам 2016 года пенсіянерка з Берасця знайшла Ягуара скалечанага пасля аварыі і забрала жыць да сябе. Аднак пракарміць 12 катоў і двух сабак ёй было цяжка, таму ў 2017 годзе яна звярнулася ў берасцейскі прытулак «Дабрыня»
Валанцёры заняліся лячэннем і пошукам новых гаспадароў для жывёлаў. Ягуару пашчасціла знайсьці новую сям’ю за межамі Беларусі, у нямецкім Гамбургу.
«У нас нават відэа ёсьць, як ён першы раз выйшаў на вуліцу пасля аварыі. Мы яго выводзілі з дапамогай арэлек спецыяльных на яго лапку, там было столькі эмоцый, столькі знаёмых пахаў для яго і радасці, — расказвае валанцёр Наталля з Берасця. — А потым мы аформілі дакументы, а яго новая сям’я выехала насустрач нам — у Польшчу».
Вазочак для Ягуара зрабіў адмысловы спецыяліст з Грэцыі. На ім Ягуар не толькі бегае ў Гамбургу па парках і вулачках, але і ездзіць разам з гаспадарамі па Еўропе і збіраецца ў новае падарожжа восенню — у вандроўку на каноэ.
Каментары