Парламент Францыі ўхваліў закон аб увядзенні штрафу за непрыстойныя паводзіны ў адрас жанчын, паведамляюць інфармагенцтвы са спасылкай на радыё Еўропа-1. Перадае БелТА.
Па словах дзяржаўнага сакратара па пытаннях роўнасці паміж мужчынамі і жанчынамі Марлен Ш'япы, закон накіраваны на зніжэнне парога талерантнасці да сэксуальнага гвалту ў краіне. У прыватнасці, ён прадугледжвае адказнасць за вулічныя дамаганні, якія раней заставаліся беспакаранымі.
Адзначаецца, што за непрыстойнасці і дакучлівыя паводзіны ў адрас жанчын будзе прызначацца штраф у памеры ад 90 да 750 еўра.
Падставай для прыняцця падобных мер стаў інцыдэнт, які адбыўся на мінулым тыдні ў Парыжы. Маладая дзяўчына загадала замоўкнуць мінаку, які свістаў ёй услед, а ён у адказ яе ўдарыў.
Каментары