Ад раніцы 7 жніўня праходзяць ператрусы ў рэдакцыях ТУТ.бай і БелаПАН, затрыманы шэраг рэдактараў. Іх вінавацяць у несанкцыянаваным доступе да інфармацыйнай стужкі дзяржаўнага агенцтва БелТА.
У размове з «Нашай Нівай» дырэктар БелТА Ірына Акуловіч сказала, што не можа назваць памер шкоды.
Чытайце: Дырэктарка БелТА патлумачыла, навошта напісала заяву, з якой закруцілася крымінальная справа супраць TUT.by і «БелаПАНа»
Мы паспрабавалі падлічыць самі — пазванілі ў аддзел маркетынгу БелТА, каб даведацца цэны на падпіску.
Там ёсць некалькі опцый: інфармацыйная стужка, «Каляндар дат і падзей», «Анонсы — падзеі тыдня», «Анонсы — падзеі дня».
Прыводзім стэнаграму размовы са спецыялістам аддзелу для поўнага разумення:
НН: Такое пытанне: колькі каштуе падпіска на вашую інфармацыйную стужку?
Маркетынг БелТА: Вы раённая газета?
НН: Рэспубліканская.
Маркетынг БЕЛТА: Рэспубліканская… Адну секунду. Наклад які ў вас?
НН: Мы скасавалі папяровую версію, існуем у выглядзе партала.
Маркетынг БелТА: Стужка будзе размяшчацца на сайце?
НН: Так.
Маркетынг БЕЛТА: Та-а-ак(0:46 сек размовы).
*****
НН: Можа, вы нам на факс прэйскурант дашляце, каб не чакаць? (1:25 сек размовы)
Маркетынг БелТА: Не, у нас няма прэйскуранта. Я вам цану агучу, так (1:32 сек размовы). З магчымасцю размяшчэння на сайце да 300 паведамленняў у месяц — зніжка 43%.
НН: У гонар чаго зніжка?
Маркетынг БелТА: З улікам таго, што мы абмяжоўваем… Да 300 паведамленняў — 43% зніжка. Атрымліваецца з ПДВ 418 рублёў 61 капейка.
НН: Як зніжка дзейнічае? Калі мы падключымся, то вы зможаце потым скасаваць яе?
Маркетынг БЕЛТА: Вы атрымліваеце доступ — лагін і пароль для сайта для падпісантаў, вы можаце усёй гэтай інфармацыяй карыстацца. Умоўна, 10 на дзень ці 20, але не больш за 300 на месяц. Калі ад 300 да 600 — то 550 рублёў 80 капеек. Поўную, стапрацэнтную стужку мы не даём.
НН: У вас ёсць яшчэ анонсы, календары. Колькі гэта каштуе?
Маркетынг БелТА: Каляндар дат і падзей — 66 рублёў на месяц, анонсы дня і тыдня — кожны па 27 рублёў 36 капеек на месяц.
НН: Я ўдакладню пытанне пра зніжку. Які механізм зніжкі? Вы можаце яе адключыць?
Маркетынг БелТА: Перыядычна нашы правяраюць, па-першае, спасылку на БелТА пры кожным размяшчэнні інфармацыі. Мы падключаемся да вашага сайта, запускаем праверку, колькасць спасылак і аўтэнтычнасць інфармацыі правяраем. Мы не адключаем падпісантаў, але калі вы перайшлі ліміт, то там санкцыі паводле дамовы.
НН: Я кажу пра зніжку.
Маркетынг БелТА: І я кажу пра зніжку. Вы размяшчаеце 300 паведамленняў, і на гэтым спыняемся. Мы прапісваем у дамове, і вы мусіце адпавядаць, проста нашая тэхнічная служба правярае. Доступ да сайта мы не адключаем.
НН: Калі мы не будзем перабольшваць, то вы не адключыце?
Маркетынг БелТА: Не, мы пакідаем.
НН: Без зніжкі каму вы даяце?
Маркетынг БЕЛТА: Без зніжкі для газет… Без зніжкі працуюць інфармацыйныя агенцтвы і тэлерадыёкампаніі.
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары