Выманіў на свечкі 2 тысячы даляраў: у Мінску затрыманы лжэсвятар «айцец Аляксандр»
49-гадовы мінчук выманьваў у грамадзян грошы, прадстаўляючыся святаром — айцом Аляксандрам. Мужчына затрыманы паводле падазрэння ў здзяйсненні махлярства.
Праваахоўнымі органамі ўжо ўстаноўлена, што «айцец Аляксандр» прапаноўваў грамадзянам ад імя царквы рытуальныя паслугі, паслугі па зняцці псуты, па асвячэнні ювелірных вырабаў. Ілжэбацюшка меў рызу і іншыя неабходныя атрыбуты.
Так, за зняцці псуты ён узяў з аднаго грамадзяніна 1200 долараў, у іншага — 300 даляраў на ўзвядзенне царквы, яшчэ аднаму прапанаваў паўдзельнічаць у бізнэсе па вытворчасці свечак, на што ўзяў за 2000 даляраў.
Вядома, што раней мужчына прыцягваўся да крымінальнай адказнасці за падобныя ашуканскія схемы ў Беларусі і Украіне.
У падазраванага канфіскаваны ўсе царкоўныя атрыбуты.
У праваахоўнікаў ёсць падставы меркаваць, што мужчына можа быць датычны да здзяйснення ашуканскіх дзеянняў у дачыненні да іншых грамадзян.
Цяпер чытаюць
Міжнародны крымінальны суд пачаў расследаванне злачынстваў, здзейсненых рэжымам Лукашэнкі15
Каментары