У Рэчыцкім раёне скрадзеная ў лесе фотапастка яшчэ тры дні дасылала здымкі. Злодзей сам здаўся міліцыі
Вечарам 1 кастрычніка фотапастка, устаноўленая лясгасам каля вёскі Баршчоўка Рэчыцкага раёна, даслала фотасправаздачу. Замест прыроды яна наздымала нешта цёмнае. Праз пэўны час — тое ж самае. Супрацоўнікі вырашылі праверыць, што з ёй здарылася. Аказалася, што замацаваную на дрэве фотапастку коштам амаль 450 рублёў скралі.
Атрымалася высветліць, што камера знаходзіцца дзесьці ў лясным масіве каля вёскі Каравацічы. Мала таго, яна яшчэ некалькі дзён дасылала фотасправаздачы. Праўда зразумець, што гэта і дзе, было немагчыма.
У выніку атрымалася высветліць, што ў гэты час на месцы фотапасткі знаходзілася брыгада рабочых з Васілевіч. Аператыўнікі іх апыталі. Ужо на наступны дзень у раённы аддзел міліцыі звярнуўся 35-гадовы жыхар Васілевічаў, які прывёз фотапастку і прызнаўся ў яе крадзяжы.
Мужчына працаваў кіроўцам і вазіў брыгаду рабочых у Гомель і назад на працу. У першы дзень кастрычніка ўвечары ён спыніўся на дарозе. Мужчына адшпіліў рамяні, якімі мацавалася фотапастка, і закінуў яе ў пакет. Падчас наступнага прыпынку каля вёскі Каравацічы, схаваў яе ў лясной траве. Менавіта гэты пакет фотапастка і здымала ўсе дні. Праз тры дні ён, не прыцягваючы ўвагі, забраў прыладу. Што рабіць з камерай, мужчына так і не вырашыў.
Распачатая крымінальная справа.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5656
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ56
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары