ЖКГ пракаментавала інцыдэнт з нападам пацука на дзіця ў мінскім шматпавярховіку
Здарэнне адбылося ўвечары 26 кастрычніка ў доме №19 у 2-м завулку Баграціёна, пацярпела 12-гадовая дзяўчынка. Цяпер дзіця атрымлівае курс ін'екцыяў супраць шаленства. Бацькі адзначаюць, што пацукі завяліся ў пад'ездзе даўно, але камунальныя службы не рэагуюць на просьбы нешта з гэтым зрабіць.
Як паведамілі агенцтву «Мінск-Навіны» ў ЖКГ Партызанскага раёна, штомесяц у доме труцяць пацукоў у планавым парадку. Перыядычна праводзяць і дадатковыя санітарныя апрацоўкі. Акурат такую рабілі 22 кастрычніка праз скаргі жыхароў на пацукоў у пад’ездзе.
Спецыялісты адзначаюць, што пасля дэратызацыі пацукам уласціва актывізоўвацца і выбягаць з падвалаў у пад’езды. Яны залазяць наверх праз смеццеправод, які даўно мае патрэбу ў рамонце.
Таксама камунальнікі сцвярджаюць, што жыхарам пад’езда раней прапаноўвалі заварыць смеццеправод, каб адрэзаць пацукам шлях у пад’езд, аднак людзі адмовіліся. У панядзелак зноў правядуць апытанне і калі збяруць подпісы хаця б 51% жыхароў пад’езда, смеццеправод закрыюць.
У Мінску адбыліся масавыя затрыманні выдаўцоў і кнігараспаўсюднікаў33
Каментары