ТАА «Лібрэцік», што кіруе сеткай крам «Суседзі», 29 лістапада закрыла ўгоду па куплі сеткі крам «Прэстан», якімі кіравала кампанія «Арвітфуд» Віталя Арбузава, паведамілі TUT.BY ў кампаніі.
«Мэта куплі — пашырэнне рознічнага бізнесу, бо з кожным годам свабодных, а галоўнае, перспектыўных месцаў для адкрыцця новых гандлёвых кропак становіцца ўсё менш. Беларускі рознічны рынак малы для той колькасці прадуктовых сетак, якія цяпер ёсць. 2018-ы год паказаў, што рытэйл актыўна кансалідуецца і здзелкі M & A будуць адбывацца ўсё часцей. У сувязі з гэтым мы ў сваёй стратэгіі прадугледжваем развіццё як за кошт арганічнага росту, так і за кошт падобных угодаў з крамамі «Прэстан», — пракаментаваў генеральны дырэктар і адзін з партнёраў сеткі крам «Суседзі» Вадзім Аванесаў.
Кошт ўгоды не называецца, але ў кампаніі адзначаюць, што ўсе даўгавыя абавязацельствы перад пастаўшчыкамі і падрадчыкамі перайшлі да «Суседзяў».
Прадстаўнікі «Суседзяў» запэўніваюць, што ўжо ў найбліжэйшыя дні ўсе крамы «Прэстан», якія ў апошні час зведалі цяжкасці, будуць забяспечаныя таварам у адпаведнасці з фарматамі і стандартамі сеткі «Суседзі». Пры гэтым плануецца ўнесці мінімальныя змены ў тэхналогіі і перавесці ўсе кропкі пад брэнд «Суседзі», захаваўшы пры гэтым каштоўныя асартыментныя «фішкі», якія ёсць у «Прэстане».
У кампаніі адзначылі, што пераважная большасць супрацоўнікаў «Прэстан» працягнуць працу ў «Суседзях».
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні9
Каментары