Грамадзяне змогуць праверыць сваё знаходжанне ў «базе дармаедаў» з дапамогай спецыяльнай электроннай паслугі, якая будзе ўведзена ў Беларусі з 1 снежня. Выкарыстаць паслугу кожны чалавек можа толькі для сябе асабіста.
Для гэтага спачатку неабходна атрымаць электронны лічбавы подпіс (платная паслуга) або унікальны ідэнтыфікатар: лагін і пароль (выдаецца бясплатна).
У першым выпадку звяртацца трэба ў Дзяржаўную сістэму кіравання адкрытымі ключамі (падрабязная інфармацыя па спасылцы https://nces.by/pki/) і прайсці рэгістрацыю на Адзіным партале электронных паслуг згодна інструкцыі. Падрабязную інфармацыю можна знайсці на сайце Нацыянальнага цэнтра электронных паслуг (https://nces.by/pki/ruc/order/initial-registration-private-person/)
Па унікальны ідэнтыфікатар трэба з пашпартам звярнуцца ў службу «Адно акно». На падставе заявы фармуецца асабісты электронны кабінет грамадзяніна і выдаецца унікальны ідэнтыфікатар (лагін і пароль). Альбо звярнуцца ў аддзел продажаў і абслугоўвання кліентаў Нацыянальнага цэнтра электронных паслуг (Мінск, пр. Машэрава, 25, пам. 200). Падрабязная інфармацыя па атрыманні унікальнага ідэнтыфікатара прадстаўлена па спасылцы https://nces.by/nces-ptistupil-k-vydache-unikalnogo-identifikatora/.
Наступны крок — аўтарызацыя на Адзіным партале электронных паслуг, гэта значыць уваход у асабісты кабінет. Ажыццяўляецца яна з выкарыстаннем унікальнага ідэнтыфікатара альбо сродкаў электроннага лічбавага подпісу. Пасля ўваходу ў асабісты кабінет застаецца толькі выбраць паслугу 3.33.03 «Прадстаўленне звестак аб аднясенні грамадзяніна да незанятых у эканоміцы» і атрымаць адказ аб сваім знаходжанні або незнаходжанні ў базе.
Акрамя адзначаных варыянтаў можна звярнуцца ў пастаянна дзеючую камісію па каардынацыі работы па садзейнічанні занятасці насельніцтва па месцы рэгістрацыі. Дастаткова будзе проста тэлефоннага званка або пісьмовага звароту, у тым ліку электроннага. Пры гэтым для ідэнтыфікацыі грамадзяніна неабходна паведаміць свой ідэнтыфікацыйны нумар.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары