Камандзір расійскага СОБРа палкоўнік Пыткоў у часопісе «Спецназ» падзякаваў беларускаму «Алмазу» за перадачу атрыманага на Захадзе досведу. На гэта звярнуў увагу аналітык Ягор Лебядок.
У 6-м нумары часопіса «Спецназ» камандзір расійскага СОБРа піша, што «ў Расіі «Алмаз» добра вядомы, у тым ліку дзякуючы сваім рэгулярным выступам на турнірах».
«Нам таксама цікавы досвед, які алмазаўцы пераймаюць у падраздзяленняў іншых краін, з якімі мы, на жаль, не можам мець зносіны. У «Алмаза» такая магчымасць ёсць», — абмовіўся расійскі палкоўнік.
«Вось і думай: ці то нашы мэтанакіравана зліваюць атрыманую на Захадзе інфармацыю пра падрыхтоўку, бо вядуць разведку ў інтарэсах РФ, ці то проста па дабрыні душэўнай дзеляцца. У любым выпадку яны спрыяюць зняццю пэўных абмежаванняў на інфармацыю для спецпадраздзяленняў РФ з боку іншых дзяржаў», — адзначае Ягор Лебядок.
Спецыяльнае падраздзяленне па барацьбе з тэрарызмам (СПБТ) «Алмаз» — антытэрарыстычнае спецпадраздзяленне МУС Беларусі. Такія ж спецпадраздзяленні антытэрору ёсць у многіх краін.
СОБР — спецыяльны атрад хуткага рэагавання Расгвардыі. Быў створаны для барацьбы з арганізаванай злачыннасцю, аднак бярэ ўдзел у антытэрарыстычных аперацыях.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі11
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары