Памочнікам прэзідэнта — інспектарам па Гродзенскай вобласці прызначаны Іван Лаўрыновіч. Адпаведнае кадравае рашэнне прыняў Аляксандр Лукашэнка, піша БЕЛТА.
Іван Лаўрыновіч нарадзіўся ў 1968 годзе ў вёсцы Панфілаўшчына Глыбоцкага раёна. У 1996 годзе скончыў Вялікалуцкую дзяржаўную сельскагаспадарчую акадэмію, у 2004-м — Акадэмію кіравання.
З 1991 па 1999 год — начальнік участка, галоўны аграном, намеснік старшыні па інфармаванні і выхаваўчай працы ў калгасе імя Леніна Шаркаўшчынскага раёна. У 1999-2003 гадах кіраваў калгасам імя Фрунзэ, у 2003-2005 гадах быў старшынёй СПК «Коўшалева» Шаркаўшчынскага раёна.
У 2005-2009 гадах - намеснік старшыні, начальнік упраўлення сельскай гаспадаркі і харчавання Шаркаўшчынскага райвыканкама. У канцы 2009 года займаў пасаду намесніка старшыні па галіновым будаўніцтве камітэта па сельскай гаспадарцы і харчаванні Віцебскага аблвыканкама. Затым быў прызначаны старшынёй Лёзненскага райвыканкама.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?18
Каментары